AMI ᲢᲠᲔᲜᲔᲠᲘ

"ამირბარი" - დამფუძნებელი და მმართველი პარტნიორი

სასტუმრო ბიზნესის აღმასრულებელი ხელმძღვანელი | კონსულტანტი | ტრენერი | ქოუჩი

​

ქეთევან ალიმბარაშვილი მასპინძლობის ინდუსტრიის აღიარებული პროფესიონალია, ტურიზმისა და სასტუმრო ბიზნესში 19+ წლიანი გამოცდილებით.

 

მას ეკავა მენეჯერული და აღმასრულებელი პოზიციები საქართველოს წამყვან სასტუმროებში, მათ შორის გენერალური მენეჯერის პოზიცია, სადაც წარმატებით ხელმძღვანელობდა გუნდებს, აუმჯობესებდა საოპერაციო პროცესებს და უზრუნველყოფდა ბიზნესის მდგრად ზრდას.

​

ქეთევანი არის „Les Roches“-ის საერთაშორისო სასტუმრო მენეჯმენტის Executive Master’s პროგრამის მონაწილე. 7 წლის განმავლობაში იგი იყო საქართველოს აგრარული უნივერსიტეტის ლექტორი სასტუმრო და რესტორნების მენეჯმენტის მიმართულებით.

​

როგორც კონსულტანტი, მონაწილეობდა არაერთი სასტუმროს გახსნაში, ბრენდინგსა და კონცეფციის განვითარებაში. მისი საქმიანობა მოიცავს სტრატეგიულ დაგეგმვას, საოპერაციო აუდიტს, სერვისის დიზაინსა და გუნდის განვითარებას.

​

სერტიფიცირებული საერთაშორისო ქოუჩისა და ტრენერის რანგში, ქეთევანმა „თიბისი ბანკის“ ბიზნესის მხარდაჭერის პროგრამის ფარგლებში 5000-მდე ადამიანი გადაამზადა.

 

იგი აქტიურად თანამშრომლობს ადგილობრივ და საერთაშორისო ორგანიზაციებთან, მონაწილეობს დარგობრივ კონფერენციებში და მასპინძლობის სფეროს განვითარების ერთ-ერთი გამორჩეული ექსპერტია საქართველოში.

​

დღეს ქეთევანი ხელმძღვანელობს „ამირბარს“ — საქართველოს პირველ მასპინძლობის სააგენტოს, რომელიც სასტუმროებსა და რესტორნებს ეხმარება უნიკალური სტუმრის გამოცდილების, ძლიერი ბრენდისა და ეფექტური ოპერაციების შექმნაში.